John Basque Biography & Photos

Sa’n Pask, Potlotekewey Wutan. Weskijinuip, Kisikewiku’s, 14 te’sukunikek, 1922ek aq nepk Kisikewiku’s, 1 te’sukunikek, 1996ek. Amkwesewey meknup Saqmawin 1958ek mi’soqo 1960ek aqq ap meknup 1976ek mi’soqo 1986ek. Ta’n koquey mawi mkite’tkip  ta’n kisa’toqip  na Mi’kmawey kina’matinewo’kuom Potlotek weja’tekemk poqji kina’masij wen primary miso’qo grade 6 eliaqip.  Naspip Sa’n app Sma’kniswey weja’tekemk Ejquljuiku’s 31 te’sukunikek mi’soqo Ejquljuiku’s 21 te’sukunikek, 1946ek. Aqq naspip Branch 12 Royal Canadian Legion, Sitni. Sa’n aqq wte’pitema Plsit A’no’q luiknek te’silipni wkwisua aq asukom te’silipni wtusua. Sa’n na newte’jip ji’nm ta’n matnkip  centralization aqq amskwesewa’juip nikana’toqip  kjitmiw wutanm aqq melki maliaptikip L’nui quspemk samqwan ta’n wejiaqip aqq mekite’tkipn keta’matultimkewe’l wejkuiaqmulti’kul…(1981). Sa’n aqq band kawnsilerenk kwilutmi’tip maqamikal apankitasikn wjit kinu Kaplnu’lewiktuk, (INAC) aqq panta’toqip ta’n tli matnitaqq aqq klapis ilsutasin. 1958ek Sa’n aqq wkawnsileremk kwilutmi’tip mawiwlteskatultimk Aksiperi kwilutmnew maqamikewey apankituewey, katu Kaplnu’l wlukewinu’mk melki mu welte’tmi’tikip aqq Sa’nal wi’kuama’tipn. Plna’l Plansis tel nutmas ta’n telimasni Sa’no’q. Ta’n tujiw […]